Baryp-geleniň galar
Saglykda, ýigitler, baryp-gelişiň,
Dünýä öter, baryp-geleniň galar;
Bir dem ganymatdyr oýnap-gülüşiň.
Ahyry aglar sen, güleniň galar.
Pelek çarhyn çeker, öwrüler, tizdir,
Göçülen ýurtdur, ýörülen yzdyr,
Dünýä bir hoş surat owadan gyzdyr,
Gola düşmez, aşyk bolanyň galar.
Kemine diýr, hiç ýok ölmez gümanyň,
Soguryp alarlar emgenen janyň,
Terekä salarlar malu-mekanyň,
Oglan-uşak tamam bolanyň galar.
Türkmen şahyry: Kemine کمینه