Dilberim galdy

Dilberim galdy

Welaýatdan çykdym, gitdim,

Yzymda dilberim galdy;

Dostlar, bu jana jebr etdim,

Gara gözli ýarym galdy.

Hälä çekerin men zehmet,

Dogdy başyma kyýamat,

Ýene bolsa dem ganymat,

Meniň ahy-zarym galdy.

Göründi galanyň burçy,

Ýüregimde yşkyň berçi,

Agzy pisse, lebi harçy,

Aglap. söwer ýarym galdy.

Bu galaňyz perizatly,

Içi pereňli, ilatly.

Kemine, «Mähriban» atly

Bir peri-peýkerim galdy.

Türkmen şahyry: Kemine کمینه