Grapy

Grapy

Ýalbaryr men «baý aga!» diýp,

göýä ak mumdan beter,

Baýlaryň basgançagy boldum —

gysym gumdan beter,

«Ber hakym!» diýp gyssasa,

çişer otyr humdan beter,

Ogry şum, orramsy şum hem,

belki, ol şumdan beter,

Bir hudanyň urgany,

hiç ýerde sansyzdyr garyp.

Ýyl başyndan galla sorap,

işi gapy kakmak bolar,

Ýer çilim — ýanýoldaşy,

ýanynda bir çakmak bolar,

Tiz çeker gussa bilen,

öz gursagyn ýakmak bolar,

Geplese, bolman gepi hem özi

bir «akmak» bolar,

Il göçer, galar ýurtda,

diri çüýrändir garyp,

Baýlar-a behbidin arar,

pukara — hupbul-watan,

Gark bolar diýrler şoňa,

kim iki gämini tutan,

Göze görnen gyzy bolsa,

hantamadyr her ýeten,

Hem garyplykdan Keminäň

içleri otly tütün,

Il göçer, galar ýurtda,

diri çüýrändir garyp.

Türkmen şahyry: Kemine کمینه